Thursday 31 December 2015

നമ്മ വീണ്ടും പൊളിക്കും ബ്രോസ്!

ഉമ്മൻ ചാണ്ടിയും അച്ചുമാമനുമുണ്ട്.
പിണറായിയും വെള്ളാപ്പള്ളിയുമുണ്ട്.
ട്രോളിക്കളിക്കാൻ തിരുവഞ്ചൂരുണ്ട്.
കമ്മി-കൊങ്ങി-സങ്കി-സുടാപ്പി
അനുയായികൾ ധാരാളമുണ്ട്!
നിയമസഭാ തെരഞ്ഞെടുപ്പ്
പടിവാതിലിൽ നിന്നെത്തി നോക്കുന്നുണ്ട്.

വീണു മരിക്കാൻ ഓടകളും കുഴൽക്കിണറുകളും
ശവത്തിൽ കുത്താൻ
മദമിളകിയ മതനേതാക്കളും
പോസ്റ്റ്‌മോർടം ചെയ്യാൻ വേണുവും നികേഷും ഉണ്ട്.

മാലിന്യവും പേപ്പട്ടിയും കൊതുകും
വേണ്ടുവോളമുണ്ട്.
കൊല്ലാനും കൊല്ലിക്കാനും
പശുക്കളും പന്നികളുമുണ്ട്.
കയ്യേറി നികത്താൻ പുഴകളും
ഇടിച്ചു നിരത്താൻ കുന്നുകളും
ഇഷ്ടം പോലെ ബാക്കിയുണ്ട്.

വടക്ക് വടക്ക് ഒരു ദേശത്ത്
ഒരു മോദിയങ്കിളും ഒരു മദാമ്മയും
അവർക്ക് സ്തംഭിപ്പിച്ച് കളിക്കാൻ
ഒരു പാർലമെന്റും ഉണ്ട്.

സൽമാനും ലാലുവും ജയലളിതയും
സുരക്ഷിതരായി പുറത്തും
ഗോവിന്ദച്ചാമിയും നിഷാമും
സുരക്ഷിതരായി അകത്തും ഉണ്ട്.

ഇതൊന്നും പോരെങ്കിൽ,
അങ്ങു ദൂരെ അന്താരാഷ്ട്രത്തിൽ
ഐ എസ് തീവ്രവാദികളും അഭയാർത്ഥികളും
സാമ്പത്തികമാന്ദ്യവും ഉണ്ട്.
അമേരിക്കക്ക് പുതിയ പ്രസിഡന്റും
ബ്രസീലിൽ ഒളിമ്പിക്സും വരുന്നുണ്ട്.
പിന്നെ,
പ്രതീക്ഷയുടെ പൂക്കാലം സമ്മാനിച്ച്
ബിജുവിന്റെ സീഡിയും...!

എന്നു വെച്ചാൽ നമ്മൾ,
അതായത് പ്രബുദ്ധരായ മലയാളികൾ
2016 ഉം പൊളിക്കും!

എല്ലാ ബ്രോസിനും സിസ്സിനും ബഡ്‌ഡീസിനും
ഹൃദയം നിറഞ്ഞ പുതുവത്സരാശംസകൾ!

15 comments:

  1. മലയാളിയും പ്രബുദ്ധതയും.ഹാ ഹാ ഹാാ!

    പുതുവത്സരാശംസകൾ!/!/!/!!/!/

    ReplyDelete
    Replies
    1. ഹിഹി.
      കല്ലോലിനിക്കും സുധിക്കും മനോഹരമായ പുതുവർഷം നേരുന്നു.

      Delete
    2. നന്ദി കൊച്ചൂ...
      കൊച്ചുവിനും ഹൃദയം നിറഞ്ഞ പുതുവത്സരാശംസകള്‍..!!!
      പോസ്റ്റ് കലക്കി ബ്രോ........!! :-P

      Delete
  2. കൊച്ചു ഗോവിന്ദാ 2016 ഉം ഇങ്ങിനെ തന്നയാകും. അതിനായി ആശംസകൾ.

    ReplyDelete
  3. പൊളിച്ചു ബ്രോ...

    ReplyDelete
  4. പൊളിച്ചു ബ്രോ...

    ReplyDelete
  5. വൈകിയാണെങ്കിലും പുതുവത്സരാശംസകൾ.....

    ReplyDelete
  6. വൈകിയാണെങ്കിലും പുതുവത്സരാശംസകൾ.....

    ReplyDelete
  7. വീണു മരിക്കാൻ ഓടകളും കുഴൽക്കിണറുകളും
    ശവത്തിൽ കുത്താൻ
    മദമിളകിയ മതനേതാക്കളും
    പോസ്റ്റ്‌മോർടം ചെയ്യാൻ വേണുവും നികേഷും ഉണ്ട്.

    മാലിന്യവും പേപ്പട്ടിയും കൊതുകും
    വേണ്ടുവോളമുണ്ട്.
    കൊല്ലാനും കൊല്ലിക്കാനും
    പശുക്കളും പന്നികളുമുണ്ട്.
    കയ്യേറി നികത്താൻ പുഴകളും
    ഇടിച്ചു നിരത്താൻ കുന്നുകളും
    ഇഷ്ടം പോലെ ബാക്കിയുണ്ട്....
    അതെ ഇങ്ങിനെയിങ്ങനെ ഇമ്മിയിമ്മിണി സംഗതികൾ ഈ 2016 ലും മ്ക്ക് പൊളിച്ചടക്കാനുണ്
    അടിച്ച് പൊളിച്ച് വറുത്തടക്കണം ബ്രോസ് ..എന്നാലെ നമ്മുടെ പ്രബുദ്ധത പൊളിയാതിരിക്കുകയുള്ളൂ ...!

    ReplyDelete
    Replies
    1. നമ്മൾടെ ഒരു കാ... സോറി, ഈ മലയാളികൾടെ ഒരു കാര്യം!

      Delete
  8. വളരെ വ്യത്യസ്തമായ പുതുവത്സരാശംസകള്‍... എന്തെഴുതിയാലും അതിലുണ്ടാകുമൊരു KD ടച്ച്.... മനോഹരം. വളരെ വൈകിപ്പോയെങ്കിലും എന്റെയും പുതുവത്സരാശംസകള്‍

    ReplyDelete
    Replies
    1. നന്ദി, ശശിധരൻ സർ. ആശംസ വൈകിയിട്ടൊന്നും ഇല്ല. പുതുവർഷം ജനുവരി മുഴുവൻ ആശംസിക്കാം!

      Delete