നിങ്ങൾക്കും ആകാം ജോക്കീശ്വരൻ!!!

 ധ്വജമാപ്രാണം സംഘബന്ധുക്കളേ!

നമ്മൾ സംഘികൾ സമ്മതിച്ചു കൊടുക്കാറില്ലെങ്കിലും ഇന്ത്യൻ സമ്പദ്  വ്യവസ്ഥയുടെ അണ്ടം കീറിയിരിക്കുകയാണ് എന്നത് ഒരു നഗ്നസത്യമാണല്ലോ. നോട്ട് നിരോധിച്ചും നെഹ്‌റുവിനെ കുറ്റം പറഞ്ഞും കോർപറേറ്റുകൾക്ക് നികുതിയിളവുകൾ കൊടുത്തും ഇവിടുത്തെ പാവങ്ങളെ സഹായിക്കാൻ മോദിജിയും നിർമ്മലാജിയും പരമാവധി ശ്രമിക്കുന്നുണ്ടെങ്കിലും ജിഡിപി കുറയുന്ന പോലെ കഷ്ടപ്പാടുകൾ കുറയുന്നില്ല എന്നത് വളരെ കഷ്ടമാണ്. ഈ അവസരത്തിൽ നമ്മെപ്പോലുള്ള സംഘസഹോദരന്മാർ സടകുടഞ്ഞെഴുന്നേൽക്കണം എന്നാണ് എനിക്ക് പറയാനുള്ളത്. നോട്ട് ക്ഷാമം പരിഹരിക്കാൻ കൊടുങ്ങല്ലൂരിലെ നമ്മുടെ സംഘബന്ധു നോട്ടടിച്ച് വിതരണം ചെയ്തത് ഈ അവസരത്തിൽ ഞാൻ നന്ദിയോടെ ഓർക്കുകയാണ്. കൊടുങ്ങല്ലൂര് നിന്നും ഇരിങ്ങാലക്കുടയിലേക്ക് അധികം ദൂരമില്ല എന്നത് വളരെ അഭിമാനാർഹമായ സംഗതി കൂടിയാണ്.

അങ്ങനെയിരിക്കേ, ജട്ടി വാങ്ങാൻ ആളില്ലാത്തത് കൊണ്ട് 'ജോക്കി' എന്ന ഷെഡ്ഢി കമ്പനിയുടെ കച്ചോടത്തിൽ നഷ്ടം വന്ന കദനകഥ വായിച്ച് എനിക്ക് ഉറക്കം നഷ്ടപ്പെട്ടു. ലോ വേസ്റ്റ് പാന്റും ധരിച്ച് ഷെഡ്ഢി കാണിച്ചു ചെത്തി നടന്നിരുന്ന യൂത്തന്മാരെല്ലാം പണിയില്ലാത്തത് മൂലം തുള വീണ ഷെഡ്ഢിയുമിട്ട് മുണ്ട് മുറുക്കിയുടുത്തു നടക്കുകയാണെന്നാണ് പ്രതിപക്ഷം പറയുന്നത്. ഈ മാനക്കേടിൽ നിന്നും സർക്കാരിനെ കരകയറ്റാൻ എന്നെക്കൊണ്ടാവുന്നത് പോലെ ഞാൻ ശ്രമിക്കുകയാണ്. ഭാരതത്തെ മൊത്തം കരകയറ്റിയില്ലെങ്കിലും ഒരു ഷഡ്ഢിക്കമ്പനിയെ എങ്കിലും കരകയറ്റേണ്ടത് ആത്മാർത്ഥതയുള്ള ഒരു സംഘി എന്ന നിലയിൽ എന്റെ ഉത്തരവാദിത്തമാണ്. അങ്ങനെയാണ് ഞാൻ സ്വന്തം നിലയിൽ ഒരു മത്സരം നടത്താൻ തീരുമാനിച്ചത്.

നിങ്ങൾക്കും ആകാം ജോക്കീശ്വരൻ 

മത്സരത്തിൽ വിജയിക്കുന്നവർക്ക് ജോക്കിയുടെ വിലയേറിയ ജെട്ടികൾ സമ്മാനമായി ലഭിക്കുന്നതാണ്. അതും കാണിച്ച് നാലുചാൽ റോട്ടീക്കൂടെ നടന്നാൽ പ്രതിപക്ഷ തെണ്ടികളുടെ വായടയുന്നതാണ് എന്ന് ഞാൻ പ്രത്യേകം പറയേണ്ടതില്ലല്ലോ. സംഘസഹോദരിമാരും ഈ യജ്ഞത്തിൽ പങ്കെടുത്ത് പരമാവധി പ്രോത്സാഹനം തരേണ്ടതാണ്. ബ്രസീലിലെ റിയോ കാർണിവൽ പോലെ, വിലയേറിയ ജെട്ടികൾ ധരിച്ച് നടന്നു നീങ്ങുന്ന സംഘബന്ധുക്കളെ കാണാൻ വിദേശ ടൂറിസ്റ്റുകൾ ഒഴുകി വരുന്ന ഒരു ഭാരതത്തെ ഓർക്കുമ്പോൾ എനിക്ക് കോൾമയിര് കോരുന്നു! അപ്പൊ നമുക്ക് മത്സരത്തിലേക്ക് കടക്കാം. സംഘിസഹോദരന്മാർക്ക് ഒന്നാമതെത്താൻ വേണ്ടി ചോദ്യങ്ങളിൽ ചാണകം കൂടുതലായി ഉൾപ്പെടുത്തിയിട്ടുണ്ട് എന്ന സന്തോഷവാർത്ത ആദ്യമേ പങ്കുവെക്കുന്നു. വിജയീ ഭവഃ

നൂറു രൂപ വിലയുള്ള ബ്രീഫ് ജെട്ടി സ്വന്തമാക്കാനുള്ള ഒന്നാമത്തെ ചോദ്യം.

1. ഗോമാതാവിന്റെ ചാണകത്തിൽ അടങ്ങിയിരിക്കുന്നത് എന്തെല്ലാം?
a. സ്വർണം
b. പ്ലൂട്ടോണിയം
c. ഓക്സിജൻ
d. അണ്ഡകടാഹം 

നൂറ്റമ്പത് രൂപ വിലയുള്ള ബ്രീഫ് ജെട്ടിക്കുള്ള രണ്ടാമത്തെ ചോദ്യം.

2 . നമ്മൾ സംഘബന്ധുക്കൾ സ്വപ്നം കാണുന്ന ഇന്ത്യ എങ്ങനത്തെയാണ്?
a. ജിഹാദികൾ ഇല്ലാത്ത ഇന്ത്യ
b. കമ്മികൾ ഇല്ലാത്ത ഇന്ത്യ
c. ഭരണഘടന ഇല്ലാത്ത ഇന്ത്യ
d. ചാണകം നിറഞ്ഞ ഇന്ത്യ

ഇരുന്നൂറ്റി പത്തൊമ്പത് രൂപ വിലയുള്ള ബോക്‌സർ ജെട്ടിക്കുള്ള മൂന്നാമത്തെ ചോദ്യം ഇതാ

3. സംഘബന്ധുക്കളുടെ കണ്ടുപിടുത്തങ്ങൾക്ക് വാട്സാപ്പിൽ സപ്രിടിക്കറ്റ് കൊടുക്കുന്നത് ആരാണ്?
a. യുനെസ്കോ
b. നാസ
c. പാശ്ചാത്യർ
d. കേശവൻ മാമൻ

ജോക്കി നല്ല ബലമുള്ള ജെട്ടിയാണ് എന്നതിന്റെ തെളിവായി പരീക്ഷണ ശാലയിൽ നടത്തിയ ടെസ്റ്റിന്റെ ചിത്രം ശ്രദ്ധിക്കുക.

അടുത്തതായി, 500 രൂപ വിലയുള്ള ഒരു ബോക്‌സർ ജെട്ടിയും ഒരു ബിക്കിനി ജെട്ടിയും ഒരുമിച്ചു സ്വന്തമാക്കാനുള്ള നാലാമത്തെ ചോദ്യത്തിലേക്ക് കടക്കാം.

4. ഭാരതത്തിന്റെ പേരും സാമ്പത്തിക സ്ഥിതിയും ഇന്നത്തെ നിലയിൽ എത്തിച്ചതിനു നമ്മൾ നന്ദി പറയേണ്ടത് ആരോട്?
a. മോദിജി
b. അമിട്ട് ഷാജി
c. യോഗി ആദിത്യനാഥ് ജി
d. നിർമലാജി

ഇനി 800 രൂപ വിലമതിക്കുന്ന ഒരു ബോക്‌സർ ജെട്ടിയും ഒരു ബിക്കിനി ജെട്ടിയും ഒരു സ്പോർട്സ് ബ്രായും ഒരുമിച്ചു സ്വന്തമാക്കാനുള്ള അഞ്ചാമത്തെ ചോദ്യം

5. നിങ്ങളുടെ വീട്ടിൽ വളർത്തുന്ന ആട്ടിൻകുട്ടിക്ക് ഇടാൻ പറ്റിയ ഏറ്റവും നല്ല പേര് ഏതാണ്?

a. കമ്മിണി 

b. കൊങ്ങിണി 

c. സംഘിണി 

d. കിങ്ങിണി

അഞ്ച് ചോദ്യത്തിനും ശരിയുത്തരം പറഞ്ഞ സ്ഥിതിക്ക് നിങ്ങളുടെ ഓട്ടവീണ ജെട്ടി എക്സ്ചേഞ്ച് ഓഫറിലൂടെ സൗജന്യമായി മാറ്റിയെടുക്കാനുള്ള കൂപ്പൺ ഇതാ.

അടുത്തത് പൊതുവിജ്ഞാനം പരീക്ഷിക്കുന്ന ഒരു ചോദ്യമാണ്. ഉത്തരം അങ്ങോട്ടും ഇങ്ങോട്ടും മാറിപ്പോകാതെ പ്രത്യേകം ശ്രദ്ധിക്കണം. സമ്മാനം 1000 രൂപ വിലവരുന്ന കാക്കി ജട്ടികൾ!

6. ശബരിമല വിഷയം തെരഞ്ഞെടുപ്പ് പ്രചാരണ ആയുധമാക്കിയതിലൂടെ കേരളത്തിൽ ബിജെപി നേടിയ ലോക്‌സഭാ സീറ്റുകളുടെ എണ്ണം എത്ര?
a. കോഴിമുട്ട
b. ആനമൊട്ട
c. ഒട്ടകമുട്ട
d. വെറും മുട്ട

അടുത്ത ചോദ്യത്തിന് ശരിയുത്തരം നൽകിയാൽ നിങ്ങൾക്ക് കിട്ടാൻ പോകുന്നത് 1500 രൂപയുടെ വിവിധ നിറത്തിലും സൈസിലും ഉള്ള നാല് ഡിസൈനർ ഷെഡ്ഢികളാണ്. ശ്രദ്ധിച്ച് ഉത്തരം പറയണം. ചോദ്യം ഇതാ.

7. ചാണകം എന്ന് കേൾക്കുമ്പോൾ ഓർമ വരുന്നത് ആരെയാണ്?

a. സംഘി 

b. ഓപ്ഷൻ എ 

c. ഓപ്ഷൻ ബി 

d. ഇവയെല്ലാം

ജോക്കിയുടെ ഓൺലൈൻ സൈറ്റിൽ നിന്നും ഷെഡ്ഢി വാങ്ങാൻ 2000 രൂപയുടെ ഗിഫ്ട് വൗച്ചർ സമ്മാനമായി നേടാനുള്ള ചോദ്യം ഇതാ.

8. തലയിൽ ഏറ്റവും അധികം ചാണകം നിറഞ്ഞ സംഘിക്ക് കിട്ടുന്ന ബഹുമതി ഏതാണ്?
a. ചാണക സംഘി
b. ബിജെപി സംസ്ഥാന അധ്യക്ഷൻ
c. ബിജെപി ദേശീയ അധ്യക്ഷൻ
d. മിസോറാം ഗവർണർ 

അടുത്ത ചോദ്യത്തിലേക്ക് കടക്കാം. നേടാനുള്ളത് 2500 രൂപ വിലമതിക്കുന്ന മൂന്ന് വെസ്റ്റും മൂന്ന് ബോക്സറും രണ്ട് ഫുൾ സെറ്റ് ബിക്കിനിയും ആണ്.

9. ആരോഗ്യപരിപാലന രംഗത്ത് ഇന്ത്യയിൽ ഒന്നാം സ്ഥാനത്തുള്ള സംസ്ഥാനം ഏതാണ്?
a. ഉത്തർ പ്രദേശ്
b. ഗുജറാത്ത്
c. കേരളം
d. അറിഞ്ഞാലും ഞാൻ പറയൂല്ലടാ പട്ടീ!!!

മത്സരം അവസാന ഘട്ടത്തിലേക്ക് കടക്കുകയാണ്. 3000 രൂപ വിലയുള്ള ജോക്കി സ്റ്റിക്കർ പതിച്ച കാക്കി കളസവും കാവി ഷെഡ്ഢിയും അടങ്ങിയ ഫാമിലി പാക് ആണ് സമ്മാനം. സുവർണ ചോദ്യം ഇതാ.

10. നമ്മുടെ ചാനൽ സിങ്കം ശ്രീ. ബി. ഗോപാലകൃഷ്ണൻ താഴെ പറയുന്നവയിൽ ആരുമായി ബന്ധപ്പെട്ടിരിക്കുന്നു?

a. സുന്ദർ പിച്ചായ്
b. സത്യ നദെല്ല
c. എലോൺ മസ്‌ക്
d. ഒട്ടകം

അങ്ങനെ നമ്മൾ അവസാന ചോദ്യത്തിലേക്ക് കടക്കുകയാണ്. ഇതിന് ഉത്തരം പറഞ്ഞാൽ നിങ്ങൾക്ക് കിട്ടുന്നത് ഒരു കൊട്ട ചാണകം, ദണ്ഡ, കുറുവടി, വെള്ള ഷർട്ട്, കാക്കി കളസം, കാവി ജെട്ടി, നാസ അംഗീകരിച്ച യുനെസ്കോ സർട്ടിപ്രിക്കറ്റ് എന്നിവയടങ്ങിയ ഫാമിലി പാക് ആണ്. ആശംസകൾ!

11. ഷെഡ്ഢിയുടെ വള്ളിയിൽ ഷേവ് ശബരിമല എന്നെഴുതി തലയിൽ ചുറ്റിയ സംഘസഹോദരൻ ആരാണ്?
a. കണ്ഠരര് മഹേശ്വര്
b. എരുമേലി വാവര്
c. രാഹുൽ ഈശ്വര്
d. സാക്ഷാൽ ഈശ്വര്

എത്രയും പ്രിയപ്പെട്ട സംഘസഹോദരീസഹോദരന്മാരെ,
നിങ്ങളെല്ലാം പലപല സൈസിലുള്ള ജെട്ടികളും ബ്രായും കളസവും ഒക്കെയണിഞ്ഞു നടന്നു നീങ്ങുന്ന, ചാണകമണം നിറഞ്ഞ വികസിത ഭാരതമാണെന്റെ സ്വപ്നം. ആ സ്വപ്നത്തിലേക്ക് ഇനിയധികം ദൂരമില്ലെന്നു ഇവിടുത്തെ കമ്മി ജിഹാദി കുരിശു കൃഷിക്കാരെ ഓർമിപ്പിച്ചുകൊണ്ട് നിർത്തുന്നു.

ജയ് ഭവാനി. ജയ് ശിവാജി.